![](https://blogger.googleusercontent.com/img/b/R29vZ2xl/AVvXsEg9cUDXUxnFJuSESEzyxo4XD4iZXRGUhdH9fvIZfv77KzRNacIcLkGvnWhl7dyCXWqiDVZ6IiXRVm2uAPkDV9zxWqS9EBb-t9CWGX6G77N8IuGHixe8ekdJk7UoOMehWwUaXiJPBxUxrrtn/s320/Roti.jpg)
కావలసిన పదార్ధాలు :
మైదా : అర కిలో
పాలకూర : మూడు కట్టలు
టమాటాలు : నాలుగు పెద్దవి
పచ్చి మిర్చి : నాలుగు
జీలకర్ర పొడి : ఒక టీ స్పూను
అల్లం వెల్లుల్లి ముద్ద: ఒక టీ స్పూను
కారం: అర టీ స్పూను
ఉప్పు : రుచికి తగినంత
నూనె : మూడు టబుల్ స్పూన్లు
తయారు చేసే విధానము:
ముందుగా పాలకూర ఆకులు తీసుకొని బాగా కడుగుకోవాలి. ఒక గిన్నెలో నీరు పోసి అందులో పాలకూర వేసి ఉడికించుకోవాలి. పాలకూర ఉడికాక నీటిలో నుండి తీసేసి చల్లార నివ్వాలి. ఇప్పుడు మిక్సీ జారులో పాలకూర , పచ్చిమిర్చి , జీలకర్ర పొడి మరియు సరిపడా ఉప్పు వేసి గ్రైండ్ చేసుకోవాలి. ఆ పాలకూర్ ముద్దను పక్కన పెట్టుకోవాలి.
![](https://blogger.googleusercontent.com/img/b/R29vZ2xl/AVvXsEgjzIOBVZqSGk-gWZq2JX2ueVh0PE9g6kIWcNVyPSzo8k9tNhPuFUXbgKCqvZCYeJh1KXeYzQPqg6TaMAdawslLVnFTm7ktRb-wTbhs7jHQ9PiZv0ravdkBDr7ev7FkCB5fGRIBIaR9_6wt/s320/green-puree.jpg)
ఇప్పుడు టమాటాలను తీసుకొని మళ్ళీ వేడి నీటిలో వేసి పాలకూరని ఉదికిన్చినట్టే ఉడికించాలి. టమాటాలు ఉడికాక నీటి నుండి తీసి చల్లార బెట్టాలి. చల్లారాక టమాటాకి ఉన్న తొక్కని తీసెయ్యాలి. ఆ టమాటాలను మిక్సీ లో వేసి కొంచెం కారం , అల్లం వెల్లుల్లి ముద్ద మరియు ఉప్పు వేసి గ్రైండ్ చేసి పక్కన పెట్టుకోవాలి.
![](https://blogger.googleusercontent.com/img/b/R29vZ2xl/AVvXsEgTCJzi1jZruviifk2XyOHWHW_2cmbN8b5NO2pVbiJ1zq0Mad_hKHd04NPFZpqybzT0UUgmtLfNleOX3QpU1Js8fsS5bXn4Tt9iNOLi6fa1NmyabzxcuUB3q4k9Siae95mf50AkPo8mflV_/s320/tomato-puree.jpg)
ఇప్పుడు ఒక గిన్నెలో సగం మైదా పిండి అంటే పావు కిలో తీసుకొని అందులో ఇందాక మనం తయారు చేసి పెట్టుకున్న పాలకూర ముద్దని వేసి అవసరం అనుకుంటే కొంచెం నీరు పోసి రెండు టీ స్పూన్ల నూనె వేసి చపాతీ పిండి కలిపినట్టు కలుపుకోవాలి. అలా తయారు అయిన పిండిని పది నిమిషాలు పక్కన పెట్టుకోవాలి.
![](https://blogger.googleusercontent.com/img/b/R29vZ2xl/AVvXsEhTjduWnq5qzm5YcjG-eDOUBcluAEJHS2UN5SsUx1ER1lmPTY06Ex7YZ9ofHUA7vGHUUNhBhPaop0Td1HbIK5tpvBAKzzLqOMg78t4iEnHVCHOuiAu5wOE1DS6VC6Lxo_zTS6Lkkgx_L_Qj/s320/green-atta.jpg)
మిగిలిన మైదా పిండిలో మనం తయారుగా పెట్టుకున్న టమాటా ముద్దను కలిపి కొంచెం నూనె కొంచెం నీరు పోసి మళ్ళీ ఇందాకటి లాగే చపాతీ పిండిలాగా కలుపుకొని పది నిమిషాలు పక్కన పెట్టుకోవాలి.
![](https://blogger.googleusercontent.com/img/b/R29vZ2xl/AVvXsEioO4sq0PUhxjLbsHxupx3BQs0uI_2gg9N7jDhbwlsLEJ9yESjezYp3F_zBGm-IEUUcuSj02L8yNxXH85Ss0TIZNoUp_Cc3yIUMUjVcHNpMNeUcOrB4jfTOfvm6FSMk549VWOQKk0_meSMf/s320/red-atta.jpg)
ఇప్పుడు ఒకొక్క పిండి ముద్దను తీసుకొని విడివిడిగా పెద్ద చపాతీ లాగా వత్తుకోవాలి .
![](https://blogger.googleusercontent.com/img/b/R29vZ2xl/AVvXsEivXRh2fLqQdE118eYcp_Lz51zWtso8Hwno6ZE3Sfi_IjXtw3GP7DA9AHI8_cTX3T0Ch5YkC55yhivb1BxXr3bF_1PunW-15ZDY6uDvqEo-tO7ybeZPruxoqg9TFnAxaD3EwATg0Z-xftm5/s320/green-roti.jpg)
![](https://blogger.googleusercontent.com/img/b/R29vZ2xl/AVvXsEg0n1jzHPXHZ1ZAfXVR0PETn7e3VKEMmAoLzBKWGL8Ikvgg2KGG5_s35NauWmJ8cAQ8KutPVz8vY5Tl1opHkp_SRBCrxQ9lin7tN_In18ZdFPuJJwnaW0rUBHXfjW3zm5S99STQqeuwYtsh/s320/Red-roti.jpg)
కొంచెం మందంగా వత్తుకోవాలి. ఆకుపచ్చ చపాతీ మీద ఎర్ర చపాతీ పెట్టి రెండు కలిపి ఆ ముక్కలను. తరువాత చాకుతో అడ్డంగా ముక్కలుగా కోసుకోవాలి.
![](https://blogger.googleusercontent.com/img/b/R29vZ2xl/AVvXsEgv6b6-Y0PNC-z9ogMzXXq-qkjWNkPv2enK9jOSqhJPMtqVe0SgprKlj8VYhhw-iI79nnhRVlYC2bvQ3ugIWcVa_guwE-08vDYzq3JR5Q7GRvfkFLnrFXJ48YwTbJ9fMp1ohsv5yq_gQ4Qh/s320/cuts.jpg)
![](https://blogger.googleusercontent.com/img/b/R29vZ2xl/AVvXsEgRVA7FbmDSpsgxymLOHZGdzM7tjA0r-1oLVPsG0BwlUqoWivZbna1cCCINhkKTXZmBCP-OiVlfPJaAF5l4485ioqgzJflXEkD7KJiG6ljris5NLdQqpvwVP-4wUMPZXeahCqdUi2unfVTN/s320/swirl.jpg)
ఒకొక్క ముక్కను తీసుకొని చపాతీ లాగ వత్తుకోవాలి.
![](https://blogger.googleusercontent.com/img/b/R29vZ2xl/AVvXsEiEG9OJjMMeou2emL7ZbNt5ZkOvOQGNUQ4NNFAYApr7c-H8_QHLmXi-pQdzYiFmtPHf7mLXVFdzhDGMhfe5J6roGsAYYF6koHJ1IYylNMhTuw2INkk-7XDcnddDi5c7PcO3mkpVCpYyF1jI/s320/Round.jpg)
అంతే రంగోలి రోటి రెడీ.....మీకు నచ్చిన కూరతో కలిపి లాగించేయ్యడమే మరి .....
నేను ఈ వంటకాన్ని ఈనాడు ఆదివారం పుస్తకంలో చూసి ట్రై చేశాను బాగా కుదిరాయి....మీరు కూడా ట్రై చెయ్యండి మరి.....
hello Padma garu, meeru manchi ruchikaramaina noroorinche pindi vantalu ( theepi mariyu kaaram ) ee blog lo vuncharu. meeku chaala dhanyavaadalu. thyagarajan
ReplyDelete