గవ్వలు

కావలసిన పధార్ధాలు :
మైదా -- అర కేజీ
బొంబాయి రవ్వ - రెండు లేదా మూడు స్పూన్స్ ( కరకరలాడటం కోసం )
మంచి నూనె - వేయించటానికి సరిపోయే అంత ( సుమారు అర కిలో )
గవ్వల పీట


పాకం కొరకు :
పంచదార - అర కేజీ
నీరు -- పంచదార మునిగే అన్ని

తయారు చేయు విధానం :

ముందుగా మైదా పిండిని , బొంబాయి రవ్వని తీసుకొని సరిపడా నీరు పోసుకొని చపాతీ పిండిలాగా కలుపుకోవాలి. ఒక నాలుగు ఐదు స్పూన్స్ నూనెను కాచి పిండి కలిపేటప్పుడు పోస్తే గవ్వలు గుల్లగా వస్తాయి.

పైన ఫోటోలో పిండి పక్కన ఉన్నదే గవ్వల పీట. ఇప్పుడు పిండిని చిన్న చిన్న ఉండలుగా చేసుకొని ( గోలీకాయ అంత ) గవ్వల పీట మీద పెట్టి బొటను వేలితో పీట మీద వోత్తుకోవాలి.


అవి రెడీ అయ్యాక ఇలా ఉంటాయి.



ఇప్పుడు వీటిని నూనెలో దోరగ వేయించు కోవాలి.


ఒక పాత్రలో పంచదార వేసి అది మునిగే వరకు నీరు పోసి స్టవ్ మీద పెట్టుకోవాలి. సువాసన కోసం యాలకుల పొడి కూడా పాకంలో వేసుకొవచ్చు. ముదురు పాకం పట్టుకోవాలి. తరువాత వేగిన గవ్వలు పాకంలో వేసి బాగా కలుపుకోవాలి.
ఎంతో రుచికరమైన కరకరలాడే గవ్వలు తయారు.......





కొట్టగా పాకం పట్టటం నేర్చుకొనే వారికీ పాకం పట్టటం కూడా చెప్పనా మరి.....

పంచదారలో నీరు పోసి స్టవ్ మీద పెట్టి కలుపుతూ ఉండాలి. ఒక ప్లేట్ లో కాసిని నీరు పోసుకొని పక్కన పెట్టుకోవాలి. పాకం దెగ్గర పడుతోంది అని అనిపించి నప్పుడు కొంచెం పాకం తీసి నీళ్లు ఉన్న ప్లేట్ లో వేసి అది ఉండ చెయ్యడం ఐతే ముదురు పాకం వచ్చినట్టే....చాల సులువు కదూ....